台灣俚語集(會一讀再讀.令人懷念的話語) 2
曹又方心肌梗塞病逝 樹葬報紙恩
更新日期:2009/03/26 04:09
〔記者趙靜瑜、王昶閔、林
一人一般心，無錢堪買針.
一人主張，毋值兩人思量。
一人看出一家，新婦看出大家。
一人智，毋值兩人議。
一人傳虛，百人傳實。
一人煩惱一樣，無人煩惱相親像。
一人講一項，無人講相仝。
一千賒，毋值八百現。
一心卜死，一心卜食米。
一支喙吱吱彈，尻川予人犁田。
一日走拋拋，一暝點燈膋(蠟)。
一日煩惱日落申，一暝想甲雞報寅。
一代娶矮某，三代出矮股。
一代親，二代表，三代散了了。
一句問，一句還；無問卡清閒。
一囝扑毋食，濟囝搶咧食。
一年新婦，兩年話拄，三年師傅。
一更窮，二更富，三更起大厝，四更拆袂赴.
一言不中，千言無用。
一枝草一點露，天無絕人之路。
一狗吠影，百狗吠聲。
一某無人知，兩某相削(卸)代。
一個某，較贏三身天公祖。
一兼二顧，摸蜊仔兼洗褲，蕃薯溝兼種芋。
一時風駛一時船，一時官用一時銀。
一牽成，二好運，三才情。
一理通，百理同(萬里徹)。
一粒田螺九碗湯，三粒田螺一掩缸。
一等二靠三落空，一想二做三成功。
一塊紅紅，顧甲變大人。
一暗無眠，三日踅神。
一歲一歲差，倒落無睏也快恬。
一頓久久，兩頓相拄。
一暝全頭路，天光無半步。
一箸喙裡哺，一箸佇半路，一箸金金顧。
一錢二緣，三嫷四少年。
一聲毋知，百項無代。
一舉、二運、三本事。
六月攏無巧，七月頓頓飽，。
七坐、八爬、九發牙。
九頓米糕無上算，一頓冷糜抾去囥。
人比人，跤腿比煙筒。
人爻，天做對頭。
人生親像大舞臺，苦齣笑詼攏總來(公開)。
人若衰，種匏仔生菜瓜。
人重妝，佛重扛。
人害人天毋肯，天害人佇眼前。
人情世事陪甲夠，無鼎佮無灶。
人情留一線，日後好相看。
人無料，馬有料，好馬綁佇將軍柱。
人親情，錢性命。.
人濟話著濟，三色人講五色話。
入虎口，無死也(嘛半)烏漚。
入門看人意，出門看山勢。
十二月工，無閒梳頭鬃。
十囝十新婦，伸一個老寡婦。
卜去烏影，毋去吊鼎。
卜好三年，卜歹(敗)做一時。
卜吼無目屎，卜哭無路來。
卜食好魚，著近水墘。
卜嫁城市乞食，毋嫁草地好額。
三人仝一心，烏土變成金。
三十往後，才知天峘(懸)地厚。
三日早長一工，三年早長一冬。
三日無火燻，也袂枵(餓)死火頭軍。
三日無唸喙頭生，三日無寫手頭硬。。
三日無餾，peh4上樹。
三兄扛一妹，嫁妝無地下。
三年一閏，好歹照輪。
三條茄，毋值著一粒蟯。
下蟶下蠔，到時攏無。
丈姆看囝婿，愈看愈意愛。
上天無路，落地無步。
也卜食，也卜掠。
也著神，也著人。
也著箠，也著糜。
乞食神，孝男面；早去睏，晏精神。
千苦萬苦，為著腹肚。
千富萬富，毋值家己厝。
千算萬算，毋值天一向(劃)。
大人bè起，囡仔佔椅。
大人咬一喙，囡仔食甲畏。
大人亂糟糟，囡仔愛年兜。
大人煩惱無錢，囡仔歡喜過年。
大工一下指，小工磨半死。
大工無人倩，細工毋願行。
大好大敗，無好無歹較常在。
大尾毋食釣，細尾硞硞趒。
大狗盤牆，細狗趁樣。
大紅花毋知bhài(歹)，圓仔花bhài(歹)毋知。
大厝大海海，餓死無人知。
大路毋行，行彎嶺；好人毋做，做歹囝。
大鼎未滾，細鼎(鍋仔)沯沯滾。
小飲小人參，大飲誤了身。
不孝新婦三頓燒，有孝查囝路上搖。
予人請，毋通嫌鹹汫。
今世做，今世報。
六月雷，七月湧；六月林菝，七月龍眼。
公廳無人掃，公親情無人叫食晝。
分無平，扑(拍)到二九暝。
天地所設，毋是弟子作孽。
天地圓輾輾，串餓是單身
天無雨，人無步。。
天無照甲子，人無照情(天)理。
天飼人肥肭肭，人飼人伸一支骨。
少年若無一擺戇，路邊哪有有應公。
少年袂曉想，食老毋成樣。
心歹無人知，喙歹上厲害。
心肝有所貪，頭殼趡(淪)雞庵。
心肝若好，風水免討。
心思無定，抽籤看(算)命。
手抱孩兒，才知父母時。
日頭赤焱焱，隨人顧性命。
月驚十九，年驚中秋，人驚四九。
欠錢怨債主，不孝怨父母。
歹心肝烏漉肚，卜死初一十五，卜出山風佮雨。
歹瓜厚子，歹人厚言語。
歹囝也著惜，孝男無地借。
歹年冬，雞母踏雞公。
歹油厚滓，歹查某厚目屎。
歹查甫厚同年，歹查某厚姑姨。
歹查某愛照鏡，kiap(卻)勢愛看命。
歹鑼累鼓，歹翁累某。
毋是吼著是笑；毋是屎著是尿。
毋捌字請人看，毋捌人死一半。
父母疼囝長流水，囝想父母樹尾風。
父死路遠，母死路斷。
牛san2(瘦)着無力，人散着白賊。
仙人拍鼓有時錯，跤步踏差啥人無？
冬節月中央，無雪也無霜。
冬節佇月尾，卜寒正二月。
冬節佇月頭，卜寒佇年兜。
半暝報贏筊(繳)，天光報上吊。
四一落雨空歡喜，四二落雨有花無結子。
四書讀透透，毋捌黿鼇龜鱉灶。
未肥假喘，未有錢假好額人款。
未食五月節粽，破裘毋甘放。
未食硞硞綴，食了嫌漚貨。
未做衫先做領，未嫁翁先生囝。
未娶某，毋通笑人某嬈(爻走)；未生囝，毋通笑人囝枵(爻吼)。
未學行，先學飛；未種子，先挽瓜。
正月正，媒人無出廳。
正月寒死豬，二月寒死牛，三月寒死播田夫。
犯官欺，毋通犯眾議。
瓜仔園揀瓜，愈揀愈花。
甘願做衫奴，毋通予衫誤。
甘願擔菜賣蔥，毋願佮人公家翁。
甘願擔領一石米，毋願擔領一個囡仔疕。
甘願擔蔥賣菜，毋願佮人公家翁婿。
生的請一邊，養的人情(功勞)較大天。
生理錢三十年，流汗錢萬萬年。
生緣免生媠(嫷)，生媠(嫷)無緣上克(剋)虧。
田無交，水無流。
田蠳若結堆，戴笠穿棕簑。
目珠(睭)花花，匏仔看做菜瓜。
目珠看粿，跤踏著火。
目珠掛斗概，看人的物着愛。
交友著交心，沃花著沃根。
先生無佇館，學生起海反。
全家勤，出金銀。
共人掃廳，毋共人叫兄。
在生一粒豆，較贏死了拜豬頭。
在生毋祭嚨喉，死了才拜棺柴頭。
在生無人認，死了規大陣。
在職怨職，無職思職。
好天毋開溝，落雨無地流。
好天無存雨來糧，到雨來着無思量。
好心倒咧餓，歹心戴紗(紅)帽。
好歹在心內，喙唇皮仔相款待。
好歹菜一步燒，歹歹查某一步笑。
好歹粿着會甜，好歹查某着會生。
好田地，不如好子弟。
好囝毋免濟，濟囝餓死父，濟新婦氣死大家。
好肩胛，嘛着好後紮。
好詼諧，臭腹內。
好話毋出門，歹話漲破腹肚腸。
好種毋傳，歹種毋斷。
好額珍珠佮鑽石，散赤破裘破草蓆。
年冬好收，查某人發喙鬚。
年頭飼雞栽，年尾做月內。
扛轎毋扛轎，管新娘無放尿。
早頓食飽，下晝頓食巧。
有一好著無二好，有新婦著無牛母。
有人山內討食，有人海裡討掠。
有人嫁翁傍翁勢，有人嫁翁夯翁枷。
有山便有水，有神便有鬼。
有手伸無路，有跤行無步。
有毛食甲鬃簑，無毛食甲秤錘。
有囝，有囝命；無囝，天註定。
有志氣查埔會掌志，有志氣查某會伶俐。
有志氣著有機會，散赤人出好子弟。
有來有往，無來清爽。
有姑是姑丈，無姑野和尚。
有食有行氣，有燒香有保庇。
有做虎陷，無做虎撐頷。
有得，便有失。
有寒着有熱，有艱苦着有快活。
有趁跤鬆手弄；無趁面青目紅。
有路毋行，行山坪。
有賒豬羊，無賒新娘。
有樣看樣，無樣家己想。
有錢烏龜坐大廳，無錢秀才人也驚。
有錢講話會大聲，無錢講話無人聽。
死某換新衫，死翁換飯坩。
死某踏破磚，死翁無人問。
死豬全家福，死牛全家碌。
江湖一點訣，妻女不可說。
百般生理路，毋值掘田塗(土)。
百般技藝，不如鋤頭落地。
老的老步定，少年較膽嚇。
老罔老，半暝後。
行路行壁邊，做事較大天。
囡仔人尻川三斗火，也會煮飯，也會炊粿。
囡仔食甲畏，才落公婆喙。
庄跤趁市內食，三年做乞食；市內趁庄跤食，三年着好額。
作料夠，毋是新婦爻。
別人交陪攏是關公劉備，家己交陪攏是林投竹刺。
別人妻，睏袂過五更。
呂洞賓，顧喙無顧身。
坐予正才會得人疼；得人疼較好咧扑拚。
序大無好樣，序細討和尚。
忍氣求財，激氣相刣。
男生女手，不儉自有。
迄號花結迄號子，迄號粟結迄號米。
來者將就，去者不留。
來無通知，去無相辭。
兩人一般心，有錢堪買金。
受人酒禮，予人刮(稽)洗。
和尚食菜無食臊，專食狗肉燖(朕)米糕。
垃圾食，垃圾肥；清氣食i，吐目蕊。
孤木難做樑，孤磚難做牆。
官府定罪三五冬，人喙定罪一世人。
官法千萬條，卜用家己撨。
狗母無搖獅，狗公毋敢來。
狗綴屁走，人綴勢走。
花食露水，魚食流水，人食喙水。
花無錯開，緣無錯對。
虱母若生濟著袂癢，錢若欠濟著袂想。
初三四，月眉意。十五六，月當圓；二三四，月暗暝。
近廟欺神，路頭遠才有親。
近親勿結婚，結了害囝孫。
金門毋認同安，台灣毋認唐山。
長工望落雨，乞食望普渡。
抾無三門墓，著想卜做土公。
前嶺未是崎，後嶺較崎壁。 (天外有天，人外有人)
咸豐三，講到今。
品命底，無品好馬。
姻緣天註定，毋是媒人跤爻行。
姻緣到，毋是媒人爻。
巷仔口嫂，逐項好。
是毋是，罵家己。
查甫卜食望人請，查某卜食望生囝。
查某體，愛人詈。
洋裝獻領，厝內吊鼎，講話無影。
相命(媒人)喙，糊蛻蛻。
相罵無揀喙，相扑無揀位。
相罵恨無喙，相拍恨無力。
相讓食有賰(伸)，相搶食無份。
看人食肉，毋通看人相扑。※看人食肉，毋通看人剖柴。
看田面，毋通看人面。
紅花袂芳，芳花袂紅。
紅柿若出頭，羅漢跤仔目屎流。
若是愛計較，趁早拆爐灶。
食，無落腹；放，無落礐。
食、睏，無分寸。
食人一口，報(還)人一斗。
食人飯，犯人問。
入吾門，探吾法。
食卜食好，做卜做輕可。
食少有滋味，食濟無趣味。
食兄弟，僥伙計，趁錢袂過後世。
食甲流汗，做甲畏寒。
食肉食三層，看戲看亂彈。
食尾牙面憂憂，食頭牙撚喙鬚。
食果子拜樹頭，食米飯敬田頭。
食是食福，磨是磨碌。
食苦，那食補。
食若牛，做若龜。
食神食佛，食了會孤崛。
食清、睏宮、人精英。
食魚食肉，也着菜佮。
食進前，萬世窮。
食飯扶碗公，做工課閃西方。
食飯食俺爹，趁錢儉私奇。
食飯配菜脯，儉錢飼(開)查某．
食飯像武松扑虎，做工課那桃花過渡。
食糖算頓，食水久長。※父母疼囝長流水，囝想父母樹尾風.
食着藥，青草一葉；食無(毋)着藥，人參一石。
枵飽呻，食飽叫艱難。
枵雞無惜箠，枵人無顧面體皮。
倖豬夯灶，倖囝不孝，倖某走摳，倖查某囝袂落人家教。
借錢(食肉)滑溜溜，討數面憂憂。
倚山山崩，倚壁壁倒，倚豬稠死豬母。
厝驚無穩，人驚忘本。
唐山過台灣，心肝結規丸。
娘快做，嫺(僩)僫學。
害人不害己，害著家己死。
家己栽一欉，較贏看別人。
家己刣，趁腹內。
家和萬事成，家吵萬世窮。
時到時擔當，無米煮蕃薯箍湯。
烏鬼假老爺，乞食假老爹。
烏雲飛上山，鬃簑提來幔。
烏雲飛落海，鬃簑蓋狗屎。
破厝漏鼎，害死某囝。
翁生某旦，食飽相看。
翁佮某，旗佮鼓。
翁婆翁婆，床頭扑床尾和。
翁親某親，毋值荷包仔圓轔轔。
耕作著認路，田園著照顧。
草地親情，食飽著行。
袂生毋值錢，卜生性命相交纏。
袂曉挨絃顧絞線；袂曉唱曲顧噴瀾。
◎ bhue hiàu sai zŭn hiām ke eh，bhue hiàu kun hiām cňg dè.
袂曉駛船嫌溪狹；袂曉睏嫌床短。
◎ ki cu àn bùan liāu，cua bhò pain sǹg siau.
起厝按半料，cua(娶)某歹算數。
◎ ki cu bhōr īng zit dang，cua bhò bhōr īng zit gang，cua sè ĭ bhōr īng zit sì lăng.
起厝無閒一冬，娶某無閒一工，娶細姨無閒一世人。
◎ ziu zui sīm tău diān，ziu siàu bhōr sèn bhiān.
酒醉心頭定，酒痟無性命。
◎ zin ge bhōr nng，zin giàn bhōr bhak dňg.
茈雞無卵，茈囝無腹腸。
◎ zòr ghŭ diorh ài tua，zòr lăng diorh ài bhŭa.
做牛著愛拖，做人著愛磨。
沒有留言:
張貼留言